பார்வையற்றவர்கள் கல்விக்காக மீண்டும் வெளியிடப்பட்ட அஜீத்தின் ‘மங்காத்தா’

வெங்கட் பிரபு இயக்கத்தில் அஜீத், திரிஷா நடித்து 2011-ஆம் ஆண்டு வெளிவந்த படம் ‘மங்காத்தா’. யுவன் சங்கர் ராஜா இசையமைத்திருந்தார். இப்படத்தில் அஜீத் முதன்முறையாக நரைத்த முடியுடன் நடித்திருந்தார். அவருடைய இந்த தோற்றம் ரசிகர்களிடையே பெருத்த வரவேற்பை பெற்றதோடு, படமும் ஹிட்டானது.

இந்த படம் வெளியாகி 2 ஆண்டுகள் ஆகிவிட்டன. இப்படத்திற்காக அஜீத்துக்கு 3 விருதுகள் கிடைத்தன. இந்நிலையில், 2 ஆண்டுகள் முடிவடைந்ததை கொண்டாடும்விதமாக தூத்துக்குடி கிளியோபட்ரா தியேட்டரில் இன்று இந்த படத்தை மீண்டும் வெளியிட்டனர்.

இன்று காலை 11.30 மணிக்கு சிறப்பு காட்சி திரையிடப்பட்டது. இந்த சிறப்பு காட்சி மூலம் கிடைக்கும் பணத்தை பார்வையற்ற குழந்தைகளின் கல்வி செலவுக்காக வழங்கப் போகிறார்களாம்.