‘பீட்சா’ நிறுவனத்துடன் இணைந்த நந்திதா

அட்டகத்தி’ படத்தின் மூலம் தமிழ் சினிமாவுக்கு அறிமுகமானவர் நடிகை நந்திதா. இதையடுத்து, சிவகார்த்திகேயனுடன் ‘எதிர்நீச்சல்’ படத்தில் நடித்தார். இந்த இரண்டு படமும் அவருக்கு வெற்றியைத் தேடித்தந்தது.தற்போது இவர் ‘நளனும் நந்தினியும்’, விஜய்சேதுபதியுடன் இணைந்து ‘இதற்குத்தானே ஆசைப்பட்டாய் பாலகுமாரா’ போன்ற படங்களில் நடித்து வருகிறார்.

இந்நிலையில் ‘பீட்சா’ படத்தை தயாரித்த திருக்குமரன் எண்டர்டெயின்மென்ட் நிறுவனம் சார்பில் சி.வி.குமார் தயாரிக்கும் புதிய படத்தில் நடிப்பதற்கான வாய்ப்பு இவருக்கு வந்துள்ளது. இப்படத்தை ஃபாக்ஸ் ஸ்டார் ஸ்டுடியோ நிறுவனத்துடன் இணைந்து சி.வி.குமார் தயாரிக்கிறார். ‘நாளைய இயக்குநர்’ நிகழ்ச்சியின் மூலம் பிரபலமடைந்த ராம் இயக்குகிறார். இப்படத்திற்கு ‘முண்டாசுபட்டி’ என பெயர் வைத்துள்ளனர். விஷ்ணு விஷால் கதாநாயகனாக நடிக்கிறார். இப்படத்தின் படப்பிடிப்பை விரைவில் தொடங்க உள்ளனர்.a