தனுசின் 2 படங்கள் ஒரே நாளில் ரிலீஸ்

நடிகர் தனுஷ் நடித்த மரியான், அம்பிகாபதி ஆகிய இரு படங்களும் வருகிற 21-ந் தேதி ஒரே நாளில் ரிலீசாகின்றன மரியான் படத்தை பரத்பாலா இயக்கியுள்ளார். நாயகியாக பார்வதி நடித்துள்ளார். ஏ.ஆர்.ரஹமான் இசையமைத்துள்ளார்.

ஆயில் நிறுவனத்தில் பணியாற்றும் தனுஷ் உள்பட மூன்று இந்தியர்கள் கடத்தப்பட்டு சூடானில் கைதிகளாக வைக்கப்படுகின்றனர். அங்கிருந்து தனுஷ் எப்படி தப்புகிறார் என்பது கதை.

அம்பிகாபதி படம் தமிழிலும், இந்தியில் ராஞ்சனா என்ற பெயரிலும் வருகிறது. ஆனந்த் எல்.ராய் இயக்கியுள்ளார். நாயகியாக சோனம் கபூர் நடித்துள்ளார். தனுசும் சோனம் கபூரும் காதல் வயப்படுகின்றனர். பின்னர் உயர் படிப்புக்காக சோனம் கபூர் டெல்லி செல்கிறார். அங்கு இன்னொரு இளைஞனுடன் நட்பு ஏற்படுகிறது. அந்த இளைஞன் சோனம் கபூர் மீது காதல் வயப்படுகிறான். தனுஷ் காதல் என்னவாகிறது என்பது கதை.